Madrıdte Qazaq ádebıeti men óneriniń ortalyǵy ashyldy

MADRID. QazAqparat - Ispanııa astanasynda Damý jónindegi halyqaralyq yntymaqtastyq boıynsha ıspan agenttiginiń (AECID) kitaphanasynda Qazaq ádebıeti men óner ortalyǵynyń (Buryshy) ashylý rásimi ótti. Shara Qazaqstannyń Tuńǵysh Prezıdenti kúni merkesine arnalǵan, dep habarlaıdy QazAqparat QR Syrtqy ister mınıstrligine silteme jasap.

Qazaqstannyń Ispanııadaǵy Elshisi Konstantın Jıgalov shetelde qazaq ádebıeti ortalyqtaryn ashý jobasy qoǵamdyq sanany transformatsııalaý boıynsha «Rýhanı jańǵyrý» memlekettik baǵdarlamasynyń aıasynda júzege asyrylyp jatqandyǵyn atap ótti. Sondaı-aq, Elshi Qazaqstan Prezıdenti Nursultan Nazarbaevtyń «Uly dalanyń jeti qyry» atty jýyrdaǵy baǵdarlamalyq maqalasy «Rýhanı jańǵyrý» bastamasynyń jalǵasy ekendigin jáne Qazaqstannyń tarıhı jáne mádenı murasyn ózektendirýge yqpal etetinine nazar aýdardy.

Іs-sharaǵa QR Ulttyq akademııalyq kitaphanasynyń bas dırektory Ý. Muńalbaeva, AECID Mádenı jáne ǵylymı baılanystar jónindegi dırektory M. Albero, AECID kitaphanasynyń dırektory M.A. Garsııa Martın, agenttiktiń qyzmetkerleri, Ispanııanyń joǵary oqý oryndarynyń ókilderi, ıspan tilindegi kazaq poezııa men prozasy «Antologııa» jobasynyń qatysýshylary, sondaı-aq qazaq dıasporasynyń ókilderi qatysty.

Shara sońynda Qazaqstan Respýblıkasynyń Ulttyq akademııalyq kitaphanasy men Damý jónindegi halyqaralyq yntymaqtastyq boıynsha ıspan agenttiginiń (AECID) kitaphanasy arasynda yntymaqtastyq hattamasyna qol qoıyldy.