Madrıdte fermerler narazylyq aktsııasyna shyqty
ASTANA. KAZINFORM – Sársenbi kúni Ispanııa astanasynyń Pýerta-de-Alkala alańynda jergilikti fermerlerdiń narazylyq sherýi ótti. Bul týraly Elpais.com jazdy.
El astanasyna Ispanııanyń ár túkpirinen bes kolonnamen 500-den astam traktor keldi. Osy rette eldiń basqa óńirlerinde de dıqandardyń narazylyq aktsııasy ótti.
Ispanııa astanasyndaǵy sherýdi Unión de Uniones agrarlyq uıymy uıymdastyrdy. Ol seısenbi kúni tústen keıin Aýyl sharýashylyǵy, balyq sharýashylyǵy jáne azyq-túlik mınıstrligine traktor mingen fermerler kelgen kezde bastaldy.
Ispan telearnasynyń habarlaýynsha, eldiń Aýyl sharýashylyǵy mınıstri Lýıs Planas Madrıdtegi demonstratsııaǵa úlken qurmetpen qarap, onyń «beıbit jáne eshqandaı zorlyq-zombylyqsyz» ótýin qalaıtynyn bildirdi.
Fermerler Eýropalyq Odaqtyń ekologııalyq talaptaryna, bıýrokratııanyń kúsheıýine jáne aýyl sharýashylyǵy ımportynyń aǵynyna qarsy eki aptadan astam ýaqyt boıy narazylyq bildirip jatyr.
