Madrıd týrnıri: ıÝlııa Pýtıntseva tartysty básekede 19 jastaǵy tennısshini utty
ASTANA. KAZINFORM — Qazaqstannyń ekinshi, álemniń 80-raketkasy ıÝlııa Pýtıntseva Madrıd (Ispanııa) WTA 1000 týrnırin jeńispen bastady.
Bul Astanada Bıllı Djın Kıng kýbogy aıasynda Kanadamen ótken matchta Qazaqstannyń jeńiske jetýine súbeli úlesin qosqan ıÝ.Pýtıntsevanyń sodan keıingi alǵashqy jarysy edi.
Tájirıbeli qazaqstandyq tennısshi bastapqy aınalymda álemniń 51-raketkasy, Chehııanyń 19 jastaǵy juldyzy Tereza Valentovamen betpe-bet keldi.
Birinshi partııa 6:4 esebimen Pýtıntsevanyń enshisine jazyldy. Ekinshisinde Valentova qarymta qaıyrdy — 6:4.
Úshinshi, sheshýshi sette ıÝlııa sheberliginiń basym ekendigin tanyta aldy — 6:3.
Eki saǵat 54 mınýtqa sozylǵan asa tartysty básekede ıÝ.Pýtıntseva 16 breık-poınttyń altaýyn paıdalandy. T.Valentova 4 eıs, 4 breıkpen (7 breık-poınt) kózge tústi.
ıÝlııa Pýtıntseva úshinshi aınalymǵa ótý úshin álemniń 23-raketkasy, ýkraınalyq Marta Kostıýkpen talasady.
Atalmysh iri dodada Qazaqstannyń birinshi, álemniń 2-raketkasy Elena Rybakınanyń qarsylasy anyqtaldy.
Qazaqstandyq sportshy ekinshi aınalymda reıtıngide 71-oryndaǵy rýmynııalyq Elena-Gabrıela Rýsemen oınaıdy. Ol birinshi aınalymda álemniń 59-raketkasy, horvatııalyq Antonııa Rýjıchti joldan taıdyrdy — 3:6, 6:4, 6:0.
Madrıd týrnıriniń júlde qory 8,2 mln eýrodan asady. Jeńimpaz 1 mln 7,165 myń eýroǵa qosa 1 000 reıtıngilik upaıǵa ıe bolady.
Ispanııa astanasynda sonymen qatar Qazaqstannyń juptyq syndaǵy birinshi, álemniń 7-raketkasy Anna Danılına óner kórsetedi. Ol bul joly amerıkalyq Eıja Mýhammadpen birge alǵashqy aınalymda norvegııalyq Ýlrıkke Eıkerı — Kaıla Glısonmen (AQSh) sheberlik baıqasady.
Eske sala keteıik, budan buryn Tımofeı Skatovtyń Shymkenttegi týrnırdiń shırek fınalyna joldama alǵanyn jazǵan bolatynbyz.
Sondaı-aq Shymkent týrnırinde Denıs Evseev juptyq synda jarystyń 1-raketkasyn jeńdi.
