Madrıd meri qarly borannan €1,4 mlrd shyǵyn kelgenin málimdedi
MADRID. QazAqparat – Madrıd meri Hose Lýıs Martınes-Almeıda qarly boran saldarynan qalaǵa 1,4 mlrd eýro shyǵyn kelgenin málimdedi, dep habarlaıdy QazAqparat Mundo gazetine silteme jasap.
«Qazirgi ýaqytta biz sońǵy kúnderi ekonomıka, ınfraqurylym jáne qala múlkine kelgen shyǵyndy eseptep, 1,398 mlrd eýroǵa jetkenin anyqtadyq», - dedi ol.
Martınes-Almeıda Ispanııa bıligine qalany apat aımaǵy dep jarııalap, koroldik úkimetti osy máselege oraı jaýapty keshiktirmeı berýge shaqyrdy.
8 qańtarda Ispanııa keıingi jarty ǵasyrda bolmaǵan qarly boran astynda qaldy. «Fılomen» daýyly saldarynan aýa temperatýrasy kúrt tómendedi. Andalýsııa taýlarynda qar deńgeıi 50 sm-ge jetken. Qolaısyz aýa raıy saldarynan Ispanııanyń kólik júıesi jumysyn toqtatty.
