Madrıd qar qursaýynda qaldy
MADRID. QazAqparat –Madrıdte sońǵy birneshe jyldyń ishinde bolmaǵan qalyń qar jaýdy, dep habarlaıdy QazAqparat.
Ispanııanyń memlekettik meterologııa agenttigi senbi kúni eldiń kóptegen provıntsııalarynda eskertý jarııalady, keıbirinde tipti aýa raıynyń qaýiptiligi eń joǵary – qyzyl dárejege deıin kóterilgen. Kóriný men ushý-qoný jolaǵynyń jaǵdaıy nasharlaǵandyqtan halyqaralyq Madrıd-Barahas áýejaıynyń jumysy toqtatylyp, 27 reıs keıinge shegerildi. Memlekettik áýejaılar basqarmasy (AENA) senbi kúni Twitter-de qaýipsizdik maqsatynda Barahastyń da jumysy toqtatylǵanyn habarlady.
Tabıǵat apaty saldarynan birneshe baǵyttaǵy temirjol qozǵalysy buzyldy. Astana merııasy aýa raıynyń qolaısyzdyǵyna baılanysty avtobýstardyń júrmeıtinin málimdedi.
Madrıdtegi qardyń qalyńdyǵy bir kún ishinde 20 sm-den asyp ketýi múmkin.
Aýa raıyna baılanysty qıyn jaǵdaı basqa da ıspan óńirlerinde jalǵasty. Keıbir eldi mekenderde sabaq toqtatylǵan.
Foto: www.instagram.com/anthonia_moon
