Madonna jansaqtaý bóliminde jatyr

ASTANA. QazAqparat – Madonna kúrdeli bakterııalyq ınfektsııa juqtyryp, birneshe kúnnen beri Nıý-Iork aýrýhanalarynyń birinde jansaqtaý bóliminde jatyr, dep habarlaıdy QazAqparat Euronews agenttigine silteme jasap.

Menedjeri málim etkendeı, ánshiniń jaǵdaıy jaqsaryp keledi, degenmen áli de dárigerlerdiń baqylaýy qajet.

Syrqat saldarynan 64 jastaǵy pop-ánshi mýzykalyq mansabynyń 40 jyldyǵyna arnalǵan The Celebration álemdik týrnesiniń bastalýyn keıinge qaldyrýǵa májbúr boldy.

Birinshi kontsert 15 shildede Vankýverde ótýi tıis edi. «Gremmı» ıesi jankúıerleri tańdaǵan úzdik hıt ánderin oryndaýǵa ýáde berdi.