Madonna musylmandarǵa arnap mektep ashty
ASTANA. QazAqparat - Ataqty ánshi Madonna Pákistannyń Karachı qalasynda «Arman mektebi» dep atalatyn bilim ordasyn ashty. Atalmysh mektep qalanyń Baldia Town aýdanynda oryn tepken, dep habarlady www.muslim.kz.
Bul jaıly Madonnanyń ózi Tvıtter jáne Instagram áleýmettik jelisinde jarııalaǵan. «Pákistanda meıirimdilik sezimi ornyǵýda. «Arman mektebiniń» qurylysy aqyry aıaqtalyp, paıdalanýǵa berildi. Oǵan 1200 oqýshy qabyldandy», - delingen ánshiniń Instagram jelisinde.
Esterińizge sala keteıik, 2013 jyly Madonna óziniń Aýǵanstan men Pákistandaǵy oqýshy qyzdarǵa qoldaý bildiretindigi jaıly málimdegen bolatyn.
