Madonna qasıetti Quranǵa den qoıdy
ASTANA. 7 qazan. QazAqparat - Áıgili pop-juldyz Madonna (Marııa-Lýıza Chıkonne) qasıetti Quranǵa den qoıǵanyn jarııa etti. Bul týraly Muslim. kz. habarlady.
«Men musylman elderinde qyz balalarǵa arnalǵan mekteptiń qurylysymen aınalysyp jatyrmyn ári Qurandy oqý ústindemin. Maǵan barlyq qasıetti kitaptar mańyzdy»,- dedi Harper's Bazaar-ǵa bergen suhbatynda.
Madonna ómirine úlken ózgeris ákelgen ıman nuryna baılanysty, ıaǵnı, temirden jasalǵan «nıqab»-qa uqsas kıim úlgisine qatysty óz tyńdarmandarynyń nalasy men nazasyna qalǵan edi. Onyń bul sýretiniń tómengi jaǵynda «Mahabbat revolıýtsııasy... InshaAllah» degen jazý tyńdarmandarynyń narazylyǵyna tap bolǵan edi.
Juldyzdy tulǵanyń asyl dinimizge degen qyzyǵýshylyǵyn Brahım Zaıbat esimdi musylmannyń oıatqanyn aıta ketý kerek. Ótken jyly álemdik medıa olardyń jubyn jarııalaǵan edi. Ondaǵy Madonnanyń sharıǵat shálisin jamylǵan fotosýreti birden álem jurtshylyǵynyń nazaryn aýdarǵan bolatyn.
