Madonna eń joǵary eńbekaqy alatyn ataqty adamdardyń arasynda kósh bastady
ASTANA. 27 tamyz. QazAqparat - Forbes nusqasy boıynsha Madonna eń joǵary eńbekaqy alatyn ataqtylar arasynda birinshi orynǵa shyqty, dep habarlady Lenta.rý.
Sońǵy jyly amerıkandyq ánshi 125 mıllıon dollar tapty. Basylymnyń atap ótýinshe, onyń sońǵy MDNA albomyn qoldaýǵa arnalǵan týrne eń kóp kiris ákeldi. Sondaı-aq Madonna óziniń kıim, átir bıznesteri jelisinen, ártúrli kompanııalardyń aktsııalary esebinen qarjy tabady.
Ekinshi oryndy - 100 mıllıon dollarmen rejısser Stıven Spılberg ıelendi. Forbes málimetteri boıynsha, rejısserge onyń eski kartınalaryn ártúrli elderdiń televızııasynan kórsetýlerden avtorlyq tólemder mol paıda ákeledi.
Úshinshi orynǵa 95 mılllıon dollarmen telejúrgizýshi Saımon Koýell, erotıkalyq roman avtory E.L.Djeıms, tele- jáne radıojúrgizýshisi Govard Stern shyqty. Odan ár tizimge jazýshy Djeıms Patterson, jýrnalıst Glenn Bek jáne Maıkl Beı ilikken.
Forbes-tiń budan burynǵy reıtıngisinde 2011 jylǵy mamyr men 2012 jylǵy mamyr aralyǵynda 165 mıllıon dollar tapqan telejúrgizýshi Opra Ýınfrı kósh bastaǵan bolatyn. Osy joly jýrnal onyń eńbekaqysyn 77 mıllıon dollarǵa baǵalady.
