Madonna álemniń 60-tan astam qalasynda án salady
ASTANA. 11 shilde. QazAqparat - MDNA halyqaralyq týrnesin Izraılden bastaǵan álemge áıgili Madonna endi álemniń 60-tan astam qalasyna barmaq, dep jazady BNews.kz
Halyqaralyq álemdik týrnesiniń aıasynda Izraılde án salǵan Madonna Taıaý Shyǵysqa beıbitshilik tilegen.
Ramat-Gane stadıonynda eki saǵat óner kórsetken Madonna óziniń jańa ánderimen qatar, birneshe eski hıttardy oryndaǵan.
Óz shoýynyń ortasyna kelgende ol 30 myń halyqtyń aldynda: «Taıaý Shyǵysta beıbitshilik ornasa, búkil álem beıbitshilikte ómir súretin edi», - dep málim etti.
Madonnanyń gastroldik sapary jeltoqsan aıyna deıin jalǵasady, ánshi álemniń 60-tan astam qalasynda án salady.
«Men álemdik týrnemdi óte erekshe ári óte mańyzdy maqsatpen Izraılden bastadym. Sizder biletindeı, Taıaý Shyǵysta myńjyldyqtar boıy bolyp jatqan shıelenister toqtaýy kerek», - deıdi Madonna.
