Madııar Januzaq Makaoda taı boksshysyn nokaýtpen jeńdi
ASTANA. QazAqparat - Qazaqstandyq kásibı boksshy Madııar Januzaq taı boksshysy Sýfakıt Kamfany nokaýtpen jeńdi, dep habarlaıdy «QazAqparat» HAA tilshisi.
RCC Boxing Promotions jáne Alban Boxing Promotions promoýterlik kompanııalarynyń habarlaýynsha, qazaqstandyq alǵashqy mınýttarda-aq basymdylyq tanytyp, ekinshi raýnda áldeqaıda tájirıbeli taılyq qarsylasyn nokaýtqa túsirdi. Osylaısha Januzaqtyń enshisinde úsh jekpe-jek, úsh jeńis bar.
Aıta keteıik, «2017 IBF Silk Road Championship Tournament» týrnıriniń aıasynda ótken bul jekpe-jektiń bas syılyǵy - IBF tujyrymy boıynsha óńirlik chempıon tıtýly. Bul beldikti alý úshin Madııar kelesi aıqasta jeńiske jetýge tıis. Madııardyń qarsylasy búgin anyqtalady. Ol - Djon Mark Aleman (Fılıpıny, 4-0-0) - Sý ıÝn Hýan (Qytaı, 6-1-2) jubynyń jeńimpazy.
