Madııar Januzaq IBF óńirlik chempıony beldeýinen úmitti
ASTANA. QazAqparat - Qazaqstannyń kásipqoı boksshysy Madııar Januzaq kezekti jekpe-jegin 27 qazan kúni Makaoda (Qytaı) ótkizedi, dep habarlaıdy QazAqparat.
RCC Boxing Promotions (Reseı) jáne Alban Boxing Promotions (Qazaqstan) promoýterlik kompanııalarynyń qamqorlyǵymen jekpe-jekke shyǵatyn Madııardyń (2-0-0)qarsylasy tájirıbeli taı boksshysy Sýfakıt Kamfa. Ol buǵan deıin 10 márte kásibı rıngte kezdesý ótkizip, onyń 7-eýinde jeńiske jetse, úsheýinde qarsylasyna ese jibergen.
Halyqaralyq boks federatsııasynyń qamqorlyǵymen «2017 IBF Silk Road Championship Tournament» tórtik týrnıri aıasynda ótetin eń jeńil salmaqtaǵy (50,8 keli) kezdesý 3 mınýttan 10 raýndqa sozylady.
Qazaqstannyń jasóspirimder jáne jastar arasynda chempıony bolǵan Madııar buǵan deıin kásibı rıngte Kýrbonalı Bobokalonov pen Dmıtrıı Mardasovty jeńgen bolatyn.
