Madııar Qojahmet Ǵylym jáne joǵary bilim mınıstrligi apparat basshysy bolyp taǵaıyndaldy

Qazaqstan Ǵylym jáne joǵary bilim mınıstriniń buıryǵymen Madııar Dúısenbaıuly Qojahmet vedomstvo apparatynyń basshysy bolyp taǵaıyndaldy, dep habarlaıdy Kazinform Úkimettiń baspasóz qyzmetine silteme jasap. 

Ol 1984 jyly Qaraǵandy qalasynda dúnıege kelgen. L.N.Gýmılev atyndaǵy Eýrazııa ulttyq ýnıversıtetin, Chehııa jaratylystaný ǵylymdary ýnıversıtetin bitirgen.

Eńbek jolyn 2003 jyly «Qazaqstan jastar kongresi» ZTB-da bastaǵan.

2003-2008 jyldary – Chehııa Respýblıkasyndaǵy Qazaqstan jastar kongresiniń bólim, basqarma bastyǵy, orynbasary, atqarýshy dırektory, halyqaralyq ókili.

2008-2012 jyldary QR Bilim jáne ǵylym mınıstrliginiń jastar saıasaty baǵyty boıynsha jumys istedi.

2012-2014 jyldary – QR Prezıdenti Ákimshiligi bóliminiń ınspektory.

2014-2017 jyldary – Soltústik Qazaqstan oblysy ákimi apparatynyń basshysy.

2017-2019 jyldary Soltústik Qazaqstan oblysy ákiminiń orynbasary boldy.

2019-2020 jyldary – QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy.

2020 jylǵy maýsymnan bastap qazirgi ýaqytqa deıin – QR AQDM Azamattyq qoǵam isteri komıtetiniń tóraǵasy.