Madııar Áshkeevtyń kezekti qarsylasy anyqtaldy

NUR-SULTAN. QazAqparat - Ekinshi jartylaı orta salmaqta judyryqtasatyn qazaqstandyq kásipqoı boksshy Madııar Áshkeevtiń (12-0,6KO ) Almaty qalasynda ótetin jekpe-jeginiń qarsylasy anyqtaldy, dep habarlaıdy QazAqparat.

«QAZAQ promotions» promoýterlik kompanııasynyń habarlaýynsha, Qazaqstanda kásipqoı bokstaǵy alǵashqy jekpe-jegin ótkizetin Madııar Áshkeev estonııalyq boksshy Pavel Semjonovpen (24-11-2,9KO) qolǵap túıistiredi.

Aıta keteıik, boksshylar Búkilálemdik boks qaýymdastyǵynyń (WBA) alǵashqy shyǵý tegi sanalatyn AQSh Ulttyq boks qaýymdastyǵy (NBA) chempıondyq tıtýlyna talasady.

Buǵan deıin habarlaǵanymyzdaı, qazaqstandyq kásipqoı boksshy Qanat Islam 5 shilde kúni Almaty qalasynda rıngke qaıta oralady.

Sondaı-aq, boks keshine Madııar Áshkeev, Abylaıhan Qusaıynov, Rýslan Myrsataev, Aıdos Erbosynuly syndy qazaqstandyq boksshylar óner kórsetedi.