Madııar Áshkeev WBC tıtýly úshin 43 ret jeńiske jetken argentınalyqpen aıqasady
NUR-SULTAN. QazAqparat – 9 qarashada Gavaıan Gardens (Kalıfornııa shtaty) qalasynda qazaqstandyq boksshy Madııar Áshkeev (13-0, 6 KO) kásibı rıngtegi kezekti aıqasyn ótkizedi, dep habarlaıdy Sports.kz.
BoxRec.com aqparatyna sáıkes, Áshkeevtiń qarsylasy 37 jastaǵy argentınalyq Rodolfo Ezıkel Martınes (43-8-3, 16 KO) bolmaq. Kezdesý segiz raýndqa eseptelgen. Boksshylar birinshi jartylaı orta salmaqtaǵy WBC (UNSBC) tujyrymy boıynsha bos turǵan AQSh chempıony tıtýlyna talasady.
