Mádına Sádýaqasova áleýmettik jelide alǵash ret ulynyń sýretin jarııalady (FOTO)
ASTANA. QazAqparat - Qazaqtyń tanymal ánshisi Mádına Sádýaqasova bosanǵannan keıin tuńǵysh ret Instagram áleýmettik jelisindegi paraqshasynda fotosýretterin jarııalady.
Ondaǵy keı sýretterde ánshi dostary jáne áriptesteri Qaraqat Ábildına jáne Marjan Arapbaevamen birge beınelense, kelesi sýretterinde eki aılyq uly Ánýarmen birge túsken. Endi bir sýretinde Mádına ataqty ánshi, aktrısa ári telejúrgizýshi Aıgúl Imanbaevanyń janynda.
Sonymen qatar Mádına ónersúıer qaýymǵa áleýmettik jelilerdegi ózi týraly taratylǵan jalǵan málimetterge senbeýlerin ótinip, tek óziniń resmı paraqshalaryndaǵy aqparattardyń shyndyqqa janasatynyn aıtady.
Budan buryn habarlaǵanymyzdaı, maýsym aıynda Mádına Sádýaqasova uldy bolǵan edi. Tanymal ánshiniń súıgen jary respýblıkalyq telearnalardyń birinde rejısser bolyp qyzmet atqarady.
