Mádına Nurshaeva bokstan Azııa chempıonatynda «qolany» qanaǵat tutty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Mádına Nurshaeva qola júldege ıe boldy, dep habarlaıdy QazAqparat tilshisi.

Azııa chempıony M.Nurshaeva 66 kelige deıingi salmaqta ońtústikkoreıalyq Choı Hon Gıýnmen sheberlik baıqasty.

Bul Mádınanyń osy birinshiliktegi bastapqy kezdesýi edi.

Tóreshilerdiń esebinshe, birinshi raýnda ońtústikkoreıalyqtyń sál basymdylyǵy baıqaldy. Ekinshisinde qazaqstandyq ese qaıyrdy. Úshinshi kezeń de tartysty ótti. Qorytyndysynda qazylar jeńisti koreıalyq boksshyǵa berdi.

Kúndizgi sessııada taǵy bir qazaqstandyq Lázzat Kúngeıbaeva fınalǵa shyǵý úshin úndistandyq Alfııa Taranným Akrammen talasady.

Qazaqstandyq qyzdardyń qalǵan bes básekesi keshki sessııada ótedi.

Eske salaıyq, búgin Azııa chempıonatynda 9 qazaqstandyq boksshynyń jartylaı fınaldyq jekpe-jekteri ótetinin jazǵan bolatynbyz.

Nazym Qyzaıbaı Azııa chempıonatyn qola júldemen aıaqtady.

Al Jaına Shekerbekova Azııa chempıonatynyń fınalyna shyqty.

Foto: sports.kz

Tegter:

Бокс Спорт Қоғам

Сейчас читают