Mádına Ábilqasymova alaıaqtardyń tuzaǵyna túspeýdiń tásilin aıtty
ASTANA. KAZINFORM — Qarjy naryǵyn retteý jáne damytý agenttiginiń tóraǵasy Mádına Ábilqasymova alaıaqtardyń tuzaǵyna túspeý úshin ne isteý kerek ekenin túsindirdi.
«Qazir alaıaqtar negizinen áleýmettik jeliler, messendjerler arqyly halyqty aldap jatyr. Sebebi kúmándi telefon nómirlerin QR Tsıfrlyq damý, ınnovatsııalar jáne aeroǵarysh ónerkásibi mınıstrligi buǵattap jatyr, ıaǵnı bul baǵytta eleýli jumys atqaryldy. Al WhatsApp messendjerin buǵattaý uzaqqa sozylady. Sondyqtan qazir tıisti call center qurylyp jatyr. Onyń aıasynda uıaly baılanys operatorlary kúmándi nómirlerdi baqylaýda ustap, olarǵa baılanǵan esepshottar anyqtalsa, bul aqparat arqyly operatsııalardy buǵattaımyz. Eń bastysy, alaıaqtardyń aılasyna túsip qalmaý kerek. Ásirese, adamdardy úreılendirip, telefon shalatyn belgisiz adamdardan saq bolǵan jón. Bul rette ózin bank qyzmetkeri retinde tanystyratyn jáne qarajatty basqa esepshotqa aýdarýdy usynatyn adamdarǵa senbeý kerek», - dedi M. Ábilqasomova Parlament Májilisinde tilshiler suraǵyna jaýap bere otyryp.
Onyń aıtýynsha, birinshi kezekte banktiń ózine telefon shalyp, naqty mamannan keńes alý qajet.
«ıAǵnı banktiń resmı baılanys nómirine habarlasý kerek. Olarǵa kúmándi adamdar bank operatsııasy jóninde habarlasqanyn túsindirgen jón. Qazir alaıaqtar ártúrli tásilderge kóship jatyr. Bul turǵyda Іshki ister mınıstrligi, Qarjy naryǵyn retteý agenttigi, Ulttyq bank alaıaqtardan saq bolýǵa qatysty biraz aqparatty jarııalap jatyr. Jalpy, jeke derekterdiń qupııalyǵyna erekshe nazar aýdarǵan jón», - dedi agenttik basshysy.
Jaqynda Sybaılas jemqorlyqqa qarsy qyzmet messendjerlerde (WhatsApp, Telegram jáne t.b.) QR Sybaılas jemqorlyqqa qarsy is-qımyl agenttiginiń basshylyǵy men qyzmetkerleriniń atynan jalǵan akkaýnttar qurǵan jáne jalǵan aqparat taratatyn alaıaqtarǵa senbeý keregin eskertti.
