Mádına Ábilqasymova tólem qabiletin joǵaltqan bankterdi qutqarý qalaı ózgeretinin túsindirdi

ASTANA. QazAqparat – Qarjy naryǵyn retteý jáne damytý agenttiginiń tóraǵasy Mádına Ábilqasymova tólem qabiletin joǵaltqan bankterdiń qyzmetin retteıtin zań jobasy Parlamentke qashan túsetinin aıtty, dep habarlaıdy QazAqparat tilshisi.

«Keıingi bir jylda zańnamalyq bastamalardyń tólem qabiletin joǵaltqan bankterdiń jumysyn retteý baǵytynda bastamalar paketin ázirlep jatyrmyz. ıAǵnı, eger bank tólem qabileti joq dep tanylsa, onyń jumysyn retteýdiń naqty tetikteri bolýy kerek. Bul sol bankke aqsha salǵan salymshylardyń múddesin qorǵaý úshin kerek. Qazir osy protsedýradaǵy memlekettiń, bank akıtsoneriniń róli barynsha naqty jazylyp jatyr.

Buǵan deıin bankterdi qutqarý úshin bıýdjet aqshasy paıdalanylyp kelgenin bilesizder. Aktsıonerlerdiń jaýapkershiligi tolyq bekitilmegen edi. Bizdiń mindet – bank arqalaıtyn shyǵynnyń bárin birinshi kezekte akıtsonerdiń esebinen ótetý. ıAǵnı, zańda osy protsedýra aıqyn jazylady», - dedi ol.

Agenttik basshysy mundaı bankterdi memleket esebinen qutqarý tetigi múldem alynyp tastalmaıtynyn aıtady.

«Eger memleketten kómek kórsetý kerek degen sheshim qabyldansa, naqty qandaı jaǵdaılarda qoldaý kórsetiletini naqty jazylýy kerek. Mysaly, ol júıequraýshy bank bolsa, aktsıoner shyǵyndy barynsha óz esebinen jaýyp, qalǵan shyǵyndy jabýǵa memleket qatysýy múmkin degen sııaqty. Bul salymshylar men memlekettiń múddesin barynsha qorǵaý úshin kerek. Biz tıisti zań jobasyn jyl aıaǵyna deıin Parlamentke engizbekshimiz», - dedi Mádına Ábilasymova.