Mádına Ábilqasymova Májilis jumysyna alǵash ret mınıstr retinde qatysty
ASTANA. QazAqparat - Búgin Parlament Májilisiniń jalpy otyrysyna QR Eńbek jáne halyqty áleýmettik qorǵaý mınıstri Mádına Ábilqasymova qatysyp, baıandama jasady, dep habarlaıdy QazAqparat.
QR Eńbek jáne halyqty áleýmettik qorǵaý mınıstrliginiń jańa basshysy «Qazaqstan Respýblıkasynyń keıbir zańnamalyq aktilerine halyqtyń jumyspen qamtylýy jáne kóshi-qony máseleleri boıynsha ózgerister men tolyqtyrýlar engizý týraly» zań jobasyn tanystyrdy.
Aıta keteıik, zań jobasy barlyq bos jumys oryndary men eldi mekender boıynsha biryńǵaı onlaın tuǵyrnama jasaý bóliginde Memleket basshysynyń Qazaqstan halqyna Joldaýy aıasynda belgilegen tapsyrmalaryn oryndaý maqsatynda ázirlendi.
«Mádına Erasylqyzy, búgin bizge birinshi ret (mınıstr retinde - avt.) kelip otyr. Sondyqtan áriptesterimizdiń, depýtattyq korpýstyń atynan quttyqtaımyz. Sizge jańa jumysta tabys tileımiz!», - dedi Májilis Tóraǵasy Nurlan Nyǵmatýlın.
Esterińizge sala keteıik, 9 aqpanda Memleket basshysynyń Jarlyǵymen Mádına Erasylqyzy Ábilqasymova Qazaqstan Respýblıkasynyń Eńbek jáne halyqty áleýmettik qorǵaý mınıstri qyzmetine taǵaıyndaldy.
