Mádiǵalı Qarsybekov: Ýnıversıadada almaǵan altyndy Álem kýbogynan kútemiz
ASTANA. QazAQparat - Búgin short-trekten ulttyq quramanyń bas bapkeri Mádiǵalı Qarsybekov Ýnıversıadada almaǵan altyndy Álem kýbogynan kútetinin málim etti, dep habarlaıdy QazAqparat tilshisi.
Búgin Belarýs astanasy Mınsk qalasynda short-trek sportynan álem kýbogynyń sońǵy altynshy kezeńi bastalady. 12 aqpanǵa deıin jalǵasatyn alamanda Qazaqstan short-trekshileri baryn salyp, bas júldege talaspaq.
Áleýmettik jeli arqyly saýalymyzǵa jaýap bergen bas bapker Qarsybekov: «Dál qazirgi ýaqytta Mınsk muz aıdynynda jarysqa daıyndalyp jatyrmyz. Almatyda ótken Ýnıversıada oıyndarynda 1 kúmis jáne 3 qola medalmen shekteldik. Maqsatymyz bir altyn edi. Ókinishke qaraı sáttilik joldas bolmady. Endi osy álem kýbogynda bar kúsh-jigerimizdi jumsap, altyn alýǵa tyrysamyz», - dep atap ótti.
