Mádı Takıev: Salyq boryshkerleriniń 72%-ynyń moınynda 26 myń teńgege jetpeıtin qaryz bar

ASTANA. KAZINFORM — Qarjy mınıstri Mádı Takıev Úkimet otyrysynda salyq beresheginiń shekti somasyn nege kótergenderin aıtty. 

— Buryn áleýmettik aýdarymdar boıynsha is júzinde shek bolmaǵan edi. Mysaly bıyl salyq bereshegi shamamen 26 myń teńgeden nemese 6 aılyq eseptik kórsetkishten óndirilip alynsa, endi salyq beresheginiń boıynsha shegi 87 myń teńgege nemese 20 aılyq eseptik kórsetkishke deıin kóteriledi. Áleýmettik tólemderdi májbúrlep alý somasynyń shegi shamamen 26 myń teńgege nemese 6 aılyq eseptik kórsetkishke deıin kóteriledi, — dedi Mádı Takıev.

Mınıstrdiń sózinshe, qazir áleýmettik tólemder boıynsha bereshek sheginiń bolmaǵandyqtan óndirip alý sharalaryna mıkro jáne shaǵyn bıznes jıi tap bolyp jatyr.

— Boryshkerlerdiń shamamen 72%-ynyń 6 aılyq eseptik kórsetkishke deıin boryshtary bar. Osynyń kesirinen shyǵys operatsııalary toqtatylady, bıznes ýaqyty men aqshasyn joǵaltady, — dedi ol.

Qysqartyp aıtsaq, 2026 jyldan bastap bereshegi 87 myń teńgege nemese 20 aılyq eseptik kórsetkishke jetpeıtin salyq tóleýshilerge tek habarlama jiberilip, ósimpul ǵana esepteledi;

Al bereshegi 87 myńnan 195 myń teńgege deıin nemese 20-dan 45 aılyq eseptik kórsetkishke deıin bolsa, shyǵys operatsııalary ótelmegen borysh somasy kóleminde ýaqytsha toqtatylady. Salyq tóleýshi muny da elemegen jaǵdaıda ǵana májbúrleý alý tetikteri iske qosylýy múmkin.

Al bereshegi 195 myń teńgeden nemese 45 aılyq eseptik kórsetkishten assa, múlikti tizimdeý jáne satý, debıtorlar esebinen óndirip alý sııaqty qatań sharalar qoldanylady.

Aıta keteıik, búgingi Úkimet otyrysynda mıkro jáne shaǵyn bıznesti qoldaý sharalaryn talqylanyp jatyr.