Mádı Amangeldi men Aıdar Arapov Islam yntymaqtastyǵy oıyndarynda júldeger atandy

ASTANA. KAZINFORM – Saýd Arabııasynyń Er-Rııad qalasynda ótip jatqan VI Islam Yntymaqtastyǵy oıyndarynda qazaqstandyq dzıýdoshylar Mádı Amangeldi men Aıdar Arapov el qorjynyna kúmis jáne qola medal saldy.

Mádı Amangeldi erler arasynda 81 kelige deıingi salmaqta fınaldyq beldesýge shyqty. Ol sheshýshi kezdesýde Túrkııa ókili Vedat Albaırakpen kezdesip, tartysty aıqasta qarsylasyna ese jiberip, kúmis júldeger atandy.

Al Aıdar Arapov 90 kelige deıingi salmaqta qola medal ıelendi. Úshinshi oryn úshin ótken beldesýde ol Tájikstan sportshysy Mýhamedjon Abdýjalılzadany jeńip, jarysty júldemen aıaqtady.

Qazaqstan quramasynyń dzıýdoshylary Er-Rııadtaǵy oıyndarda turaqty túrde joǵary nátıje kórsetip keledi.

Aıta keteıik, Qazaqstan quramasynan eki dzıýdoshy Islam yntymaqtastyǵy oıyndarynyń fınalyna shyqty.