Madeırada opat bolǵandardyń sany 40 adamǵa jetti
ASTANA. Aqpannyń 22-si. QazAqparat - Portýgalııanyń Madeıra aralynda júrgen týrıster senbi kúni tabıǵat apatyna ushyrady - aralda sý tasqyny men laı kóshkini boldy. Týrısterden eshkim zardap shekken joq.
Ázirge, bul málimetti jergilikti bılik qýattamaǵanymen, kelip jetken aldyn-ala málimetter osyny qýattap otyr, dep habarlaıdy ITAR-TASS agenttigi.
Ádette sheteldik qonaqtar aıaldaıtyn qonaqúılerdiń ákimshiligi osyndaı aqparat berýde.
Al apat saldarynan jalpy qaza tapqandardyń sany 40 adamdy qurap, zardap shekkenderdiń sany - 120 adamǵa jetip otyr. Jergilikti ókimet qazaly oqıǵalardyń áli de ósý yqtımaldyǵyn joqqa shyǵarmaıdy, sebebi iz-túzsiz joǵalǵandardyń naqty sany áli anyqtalǵan joq. Alys eldi mekenderge qutqarýshylardyń áli de jetip úlgermeýi osyǵan sebep bolyp otyr. Al apat saldarynan baspanasyz qalǵandardyń sany 250 adamǵa jýyqtaǵan.
Meteorologtardyń málimetteri boıynsha, bul sý tasqyny Madeırada sońǵy 100 jylda oryn alǵan eń úlken tabıǵat apaty bolyp otyr.
