Madeırada qaza tapqan týrısterdiń basym bóligi - Germanııa azamattary
NUR-SULTAN. QazAqparat - Portýgalııadaǵy Madeıra aralynda avtobýs apatynan qaza tapqan 28 týrıstiń basym bóligi Germanııa azamattary bolǵan.Bul týraly sársenbi kúni portýgaldyq SIC telearnasy habarlady.
Onyń derekteri boıynsha, mert bolǵandardyń 11-i er adam, al 17-si áıel.
Avtobýs Germanııadan týrısterdi ákele jatqan.
Budan buryn 9 Germanııa azamatynyń qaza tapqandyǵy týraly habarlanǵan edi.
Jergilikti bıliktiń derekterine qaraǵanda, avvtobýsta 50 adam bolǵan. Apat jergilikti ýaqytpen 18:50-de oryn aldy. Zardap shekkender taıaý mańdaǵy aýrýhanaǵa jetkizildi.
