Mádenıetterdi jaqyndastyrý ortalyǵy dırektorynyń mindetin atqarýshy bolyp Karl Baıpaqov taǵaıyndaldy

ASTANA. QazAqparat - Jańadan qurylǵan «Mádenıetterdi jaqyndastyrý ortalyǵy» memlekettik mýzeıi» RMQK dırektorynyń mindetin atqarýshy bolyp ǵalym Karl Baıpaqov taǵaıyndaldy. Bul týraly búgin Ortalyq kommýnıkatsııalar qyzmetindegi baspasóz qyzmetinde QR Mádenıet jáne sport vıtse-mınıstri Ǵalym Ahmedıarov málim etti.

«Keshe Mádenıetterdi jaqyndastyrý ortalyǵy dırektorynyń mindetin atqarýshyny taǵaıyndadyq. Bul qyzmetke ǵalym Karl Baıpaqov keldi», - dedi vıtse-mınıstr.

Óz kezeginde K. Bapaqov qurylǵan ortalyq arhelogııa, mádenıet, dintaný salalaryndaǵy aldyńǵy qatarly ǵalymdardyń zertteýlerin shoǵyrlandyratynyn atap ótti.

Mádenıetterdi jaqyndastyrý ortalyǵynyń negizgi mindetteri ıÝNESKO Mádenıetter jaqyndasýynyń onjyldyǵynyn ótkizýdiń Іs-qımyl josparymen úndes bolyp keledi. Jańa mekemeniń jarǵysyna sáıkes, mýzeı qundylyqtary men tarıhı-mádenı murany anyqtaý, tolyqtyrý, zertteý jáne nasıhattaý, sondaı-aq Qazaqstannyń mádenı mura nysandaryn saqtaý salasynda jańa bilimdi alý men paıdalanýǵa baǵyttalǵan ǵylymı-aǵartýshylyq qyzmetti, zertteýlerdi júrgizý qamtylǵan.

Qazirgi kezde Qazaqstanda ıÝNESKO-ǵa «Mádenıetterdi jaqyndastyrý ortalyǵy» qyzmetiniń atalǵan halyqaralyq uıym qamqorlyǵymen júzege asyrylýy boıynsha ótinish berý máselesi qarastyrylyp jatyr.