Mádenıetaralyq jáne dinaralyq dıalogty keńeıtýdegi áıeldiń roli talqylandy - Astana
ASTANA. Maýsymnyń 4-i. QazAqparat - Elordadaǵy Beıbitshilik jáne kelisim saraıynda «Mádenıetaralyq jáne dinaralyq dıalogty keńeıtýdegi áıeldiń roli» degen taqyrypta kezdesý ótti,
dep habarlady Baılanys jáne aqparat mınıstrliginiń baspasóz qyzmetinen.
Sársenbi kúni ótken kezdesýdi Ádilet mınıstrliginiń janyndaǵy Halyqaralyq mádenıet jáne din ortalyǵy uıymdastyrdy. Jıynnyń maqsaty - dinı jáne zaıyrly BAQ ókilderin, áıelder men jastar birlestikterin, ǵylym jáne óner qaıratkerlerin tarta otyryp, Álemdik jáne dástúrli dinderdiń jetekshileriniń ІІІ sezinde aıtylǵan túrli dinder men mádenıet ókilderiniń dıalogyn keńeıtýge qoldaý kórsetý boldy.
Bul jıynǵa Parlament Májilisiniń depýtaty Lıýdmıla Hochıeva, Astananyń dinı birlestikteri men qoǵamdyq uıymdarynyń ókilderi qatysty. Halyqaralyq mádenıet jáne din ortalyǵynyń dırektory Aıdar Ábýov alǵysóz sóıledi.
Kezdesýde ishki dıalogty tereńdetý jáne mádenıetaralyq jáne konfessııaaralyq ózara is-qımyldar salasynda dinı birlestikter men áıelder uıymdarynyń syndarly seriktestigin jáne yntymaqtastyǵyn ornatý máseleleri talqylandy.
