Mádenıet jáne sport mınıstrliginiń laýazymdy qyzmetkeri úıqamaqqa alyndy

ASTANA. QazAqparat - Mádenıet jáne sport mınıstrligi Ákimshilik departamentiniń dırektory Erenaı Dárjibaev úıqamaqqa alyndy, dep habarlaıdy QazAqparat tilshisi.

«Astana qalasynyń mamandandyrylǵan aýdanaralyq soty sotqa deıingi tergeý amaldaryn júrgizip jatqan organnyń Erenaı Dárjibaevty sanktsııalanǵan shara qoldaný arqyly 2 aıǵa, ıaǵnı 24 jeltoqsanǵa deıin úıqamaqqa alý ótinishin qanaǵattandyrdy, - dep habarlady atalmysh sottyń baspasóz qyzmeti.

Aıta ketsek, buǵan deıin Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Mádenıet jáne sport mınıstrliginiń laýazymdy qyzmetkerleriniń paramen ustalý jaǵdaıyna qatysty pikir bildirgen bolatyn.

Onyń aıtýynsha, qazirgi ýaqytta atalmysh iske qatysty sotqa deıingi tergeý amaldary júrgizilip jatyr.