Mádenıet jáne sport mınıstrligine qarasty bilim ordalaryna 1690 grant bólindi

ASTANA. QazAqparat - 2023-2024 oqý jylyna arnalǵan memlekettik bilim berý tapsyrysyn bólý máseleleri jónindegi komıssııanyń otyrysy ótti. Kezdesýge Mádenıet jáne sport mınıstrliginiń, Oqý-aǵartý, Ǵylym jáne joǵary bilim mınıstrlikteriniń, azamattyq qoǵam ınstıtýttarynyń, Ulttyq kásipkerler palatasynyń, QR joǵary oqý oryndary qaýymdastyǵynyń ókilderi qatysty, dep habarlaıdy QazAqparat.

«Otyrys qorytyndysy boıynsha Mádenıet jáne sport mınıstrligine baǵynysty joǵary jáne joǵary oqý ornynan keıingi bilim berý uıymdary arasynda bakalavr daıarlaýǵa 1690 oryn bólindi. Onyń ishinde Qazaq ulttyq óner ýnıversıtetine -315 oryn, Temirbek Júrgenov atyndaǵy Qazaq ulttyq óner akademııasyna-300, Qurmanǵazy atyndaǵy Qazaq ulttyq konservatorııasyna-200, Qazaq ulttyq horeografııa akademııasyna-25, Túrkistandaǵy Halyqaralyq Týrızm jáne meımandostyq ýnıversıtetine-800 oryn berildi», - dep jazdy áleýmettik jelidegi paraqshasyna Mádenıet jáne sport mınıstri Ashat Oralov.

Magıstranttardy daıarlaýǵa 2023-2024 oqý jylyna 166 oryn bólingen. Onyń 54-in Qazaq ulttyq óner ýnıversıteti, 63-in Temirbek Júrgenov atyndaǵy Qazaq ulttyq óner akademııasy, 39-yn Qurmanǵazy atyndaǵy Qazaq ulttyq konservatorııasy, 10 grantty Qazaq ulttyq horeografııa akademııasy alǵan.

«Doktorantýraǵa túsý úshin 26 oryn bylaısha bólindi: 9-y Qazaq ulttyq óner ýnıversıtetine, 10-y Temirbek Júrgenov atyndaǵy Qazaq ulttyq óner akademııasyna, 5-eýi Qurmanǵazy atyndaǵy Qazaq ulttyq konservatorııasyna berilse, 2-in Qazaq ulttyq horeografııa akademııasy aldy.

Tehnıkalyq jáne kásiptik, orta bilimnen keıingi bilimi bar kadrlardy daıarlaýǵa 2023-2024 oqý jylyna 700 oryn bólindi. Qazaq ulttyq óner ýnıversıtetiniń kolledji - 100, Temirbek Júrgenov atyndaǵy Qazaq ulttyq óner akademııasynyń kolledji – 60, Qazaq ulttyq horeografııa akademııasynyń kolledji – 40, Júsipbek Elebekov atyndaǵy respýblıkalyq estrada-tsırk kolledji – 65 oryn, 70 oryn Aleksandr Seleznev atyndaǵy Almaty horeografııalyq ýchılışesine, 60 oryndy Oral Tańsyqbaev atyndaǵy Almaty sándik – qoldanbaly óner kolledji aldy, P.Chaıkovskıı atyndaǵy Almaty mýzykalyq kolledjine 105 oryn bólindi», - delingen mınıstrdiń jazbasynda.

Sport salasynda tehnıkalyq jáne kásiptik, orta bilimnen keıingi bilimi bar kadrlardy daıarlaýǵa oryndar bylaısha bólindi: Kárken Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat- kolledjine 40 oryn, Respýblıkalyq sport kolledjine – 80 oryn, Almaty qalasynyń «Shańyraq» shaǵyn aýdanyndaǵy olımpıada rezerviniń respýblıkalyq mamandandyrylǵan mektep-ınternat-kolledjine – 20 oryn bólindi, Qajymuqan Muńaıtpasov atyndaǵy olımpıada rezerviniń respýblıkalyq mamandandyrylǵan mektep-ınternat-kolledjine – 40. Rıdder qalasyndaǵy olımpıada rezerviniń respýblıkalyq mamandandyrylǵan mektep-ınternat-kolledjine - 20 oryn.