Mádenıet jáne sport mınıstrligine birqatar qosymsha quzyret berilmek

ASTANA. QazAqparat – «Mádenıet jáne sport mınıstrliginiń keıbir máseleleri týraly» Úkimet qaýlysy ashyq talqyǵa shyǵaryldy, dep habarlaıdy QazAqparat tilshisi.

AshyqNQA portalynda jarııalanǵan qujatta kórsetilgendeı, endi Mádenıet jáne sport mınıstrligine myna fýnktsııalar beriledi:

- mádenıet máseleleri boıynsha turaqty jumys isteıtin komıssııa qurady jáne ol týraly erejeni bekitedi;

- mádenıet salasyndaǵy memlekettik stıpendııa berý qaǵıdalaryn bekitedi;

- arhıv jáne kitaphana isi, geraldıka salalaryndaǵy ulttyq jáne halyqaralyq konkýrstar men festıvaldardy, syılyqtar men júldelerdi taǵaıyndaıdy;

- halyqaralyq sporttyq jarystardyń chempıondary men júldegerlerine, jattyqtyrýshylarǵa jáne sport túrleri boıynsha QR qurama komandalarynyń múshelerine aqshalaı kótermeleýdiń mólsherin bekitedi;

- bıýdjettik josparlaý jónindegi ýákiletti organmen kelisý boıynsha QR aýmaǵynda ótkiziletin respýblıkalyq, oblystyq jáne halyqaralyq sporttyq jarystardy medaldarmen qamtamasyz etý normalaryn bekitedi;

- Respýblıkalyq onomastıkalyq komıssııa qurady;

- Kınemotografııa salasyndaǵy memlekettik qoldaý máseleleri jónindegi vedomstvoaralyq komıssııa qurady;

- týrıstik qyzmet salasyndaǵy ǵylymı qamtamasyz etýdiń memlekettik júıesin qurady;

- lotereıa operatoryn jáne oǵan lotoreıa ótkizý quqyǵyn berý merzimin aıqyndaıdy.

Úkimet qaýlysy 20 maýsymǵa deıin kópshilik talqylaýda bolady. Keıin qol qoıý úshin Premer-Mınıstrge joldanady.