Mádenıet jáne sport mınıstrliginde Joldaýdan týyndaǵan mindetter saralandy
Mádenıet, óner, sport jáne din salasynyń ókilderi Elbasynyń «Qazaqstan jańa jahandyq naqty ahýalda: ósim, reformalar, damý» atty Joldaýyn talqylaǵan bolatyn.
Ústimizdegi jyldyń 30 qarashasynda jarııa etilgen QR Prezıdenti Joldaýy atqarylǵan jumystarǵa obektıvti baǵasyn berip, jahandyq syn-qaterler jaǵdaıynda eldiń áleýmettik-ekonomıkalyq damýynyń negizgi baǵyttary boıynsha jańa daǵdarysqa qarsy keshendi sharalar men qurylymdyq qaıta qurýlarǵa asa mańyz beredi.
Joldaýdy tanystyrý barysynda Prezıdent aıtyp ketkendeı, «Búgingi tańda kóbi Uly Qazaqstan joly men Máńgilik el ıdeıasyn bastaǵan bizderge baılanysty. Biz uzaq, orta jáne jýyq aradaǵy merzimge arnalǵan strategııalardy jasadyq».
Talqylaý barysynda otyrys qatysýshylary Joldaýdyń ulttyń daǵdarysqa qarsy baǵdarlamasynyń baǵytyn anyqtaıtyndyǵyna biraýyzdan kelisti. Ekonomıkalyq daǵdarys jaǵdaıynda mádenıet, sport jáne din salalary áleýmettik turaqtylyqty kúsheıtý, ulttyń básekege qabilettiligin arttyrýǵa arnalǵan memlekettik saıasatty júzege asyrýdyń negizgi quraldarynyń biri bolyp tabylady.
- Salamyzdyń joǵary tárbıelik máni jaǵymdy áleýmettik orta qalyptastyryp, azamattar arasynda joǵary ıdealdar dáripteıdi jáne birlik pen patrıottylyq sezimin arttyrady, - dedi Arystanbek Muhamedıuly. - Basty maqsatymyz - «Máńgilik el» ıdeıasy negizinde qoǵamdy rýhanı jáne mádenı turǵydan biriktirý.
Sonymen qatar mınıstr «100 naqty qadam» Ult josparynyń arqasynda búgingi tańda salanyń strategııalyq damýynyń joldary anyqtalǵan. «Tutastyq pen birlik» baǵytyndaǵy ınstıtýtsıonaldy reformalardy júzege asyrý sheńberinde Mádenıet jáne sport mınıstrligi 19 normatıvti-quqyqtyq aktilerdi daıarlaý boıynsha keshendi jumys atqardy.
«Astana Balet» horeografııalyq ujymynyń jetekshisi V. Kúzerbaev Prezıdent Joldaýynda elimizdegi qarjylyq turaqsyzdyqqa jol bermeýmen qatar, damýydyń múmkindikteri men perspektıvalaryna asa nazar aýdarylǵandyǵyna toqtalyp ketti.
«Daǵdarys - ol tek synaq bolyp qana qoımaı, bizdiń aldymyzda jańa múmkindikter men jańa joldar ashady. Asa daǵdarysty 90-jyldary, táýelsizdigimizdi nyǵaıtý kezinde-aq mádenıet jáne óner memleket tarapynan únemi qoldaý taýyp otyrdy. Dál sol ýaqytta búgingi tańda biz ıelik etip otyrǵan materıaldy-tehnıkalyq bazanyń negizi qalandy», - dedi Valerıı Kúzerbaev.
Otyrys sońynda vedomstvo basshysy óz tarapynan ekonomıkadaǵy daǵdarystyq qubylystardyń saldaryn laıyqty eńserý úshin barlyq kúshin salýǵa jáne saladaǵy jańǵyrýdyń jańa kezeńin bastaýǵa daıyn ekendigin eskertti, dep habarlaıdy QR Mádenıet jáne sport mınıstrliginiń baspasóz qyzmeti.
