Mádenıet jáne sport mınıstrligi Týrızm komıtetiniń basshysy qyzmetinen bosatyldy

NUR-SULTAN. QazAqparat - Maınıýra Myrzamadıeva QR Mádenıet jáne sport mınıstrligi Týrızm ındýstrııasy komıtetiniń tóraǵasy qyzmetinen bosatyldy. Bul týraly QazAqparat primeminister.kz saıtyna silteme jasap habarlaıdy.

«QR Mádenıet jáne sport mınıstriniń buıryǵymen Myrzamadıeva Maınıýra Savetqyzy basqa jumysqa aýysýyna baılanysty QR Mádenıet jáne sport mınıstrliginiń Týrızm ındýstrııasy komıtetiniń tóraǵasy qyzmetinen bosatyldy», - delingen aqparatta.

Myrzamadıeva buǵan deıin QR Syrtqy ister mınıstrligi júıesinde AQSh-ta, Ulybrıtanııada jumys istedi. 2007-2016 jyldary Qazaqstan Respýblıkasynyń Nıderlandy Koroldigindegi Tótenshe jáne Ókiletti Elshisi, QR-dyń Hımııalyq qarýǵa tyıym salý uıymy janyndaǵy turaqty ókili qyzmetin qosa atqarýshy boldy.

QR MSM Týrızm ındýstrııasy komıtetin 2017 jyldyń sáýir aıynan basqardy.