Mádenıet jáne sport mınıstrligi Arys qalasyna kómek kórsetetin shtab qurmaq
Osyǵan, oraı Sport jáne dene shynyqtyrý isteri komıteti tóraǵasy Serik Sapıev qala turǵyndaryn atalǵan qaıyrymdylyq sharasynan qalys qalmaýǵa shaqyryp otyr.
«Men qoǵamdy birigip, zardap shekkenderdi alǵashqy kómek kerek-jaraqtarymen, materıaldyq kómek, tipti jyly sózben qoldaýǵa shaqyramyn. Qazir Túrkistan oblysy qıyn kezderdi basynan ótkerýde. Biz respýblıka bolyp qala turǵyndaryna kómek kórsetýimiz kerek. Men Arys qalasyna baryp, turǵyndarǵa qoldaý bildiremin dep sheshtim», - dedi Serik Sapıev.
Atalǵan shtab 26 maýsym men 6 shilde aralyǵynda QR Ulttyq akademııalyq kitaphanasy (Dostyq k, 11) janynan qurylady. Shtabqa komıtettiń barlyq vedomstvolyq mekemeleri jumyldyrylǵan. Sonymen qatar, komıtet tóraǵasy Serik Sapıev jýyq arada Arys qalasyna baryp, zardap shekken turǵyndarǵa qoldaý bildirýdi josparlap otyr.
Aıta keteıik, buǵan deıin QR Mádenıet jáne sport mınıstrligi qyzmetkerleri bir kúndik jalaqylaryn Arys qalasynyń turǵyndaryna kómek qoryna aýdaramyz dep sheshken bolatyn.
Qazaqstannyń jaýyngerlik óner Assotsıatsııasy men oǵan qarasty federatsııalardyń qyzmetkerleri áskerı bólimniń oq-dári qoımasynda oryn alǵan jarylystardyń saldarynan zardap shekken turǵyndarǵa bir kúndik jalaqylaryn aýdaratyn boldy.
