Mádenıet jáne sport mınıstri jýrnalısterdi kásibı merekesimen quttyqtady (FOTO)

ASTANA. QazAqparat - QR Mádenıet jáne sport mınıstri Arystanbek Muhamedıuly Astanada jýrnalısterdi kásibı merekelerimen quttyqtady. Baılanys jáne aqparat qyzmetkerleriniń kúnine oraı mınıstr jýrnalısterge alǵys hat pen qurmet gramotalaryn tabystady, sondaı-aq, baǵaly syılyqtar tabys etti.

Jýrnalısterdi quttyqtaǵan Arystanbek Muhamedıuly bul salanyń mamandary qoǵam men bılik arasyndaǵy berik kópir ekenin, jýrnalısterdiń jumysy kúndiz-túni toqtaýsyz júretin, jýrnalıster Qazaqstannyń damaýyna súbeli úles qosyp kele jatqan mamandar ekenin atap ótti.

Mınıstrdiń quttyqtaýy aıasynda «Memlekettik til jáne BAQ» respýblıkalyq baıqaýynyń jeńimpazdary marapattaldy. Aıta keteıik, baıqaýǵa qatysý úshin elimizdiń óńirlerinen 200-ge tarta jýrnalıst óz jumystaryn usynǵan eken. Baıqaýdyń jeńimpazdary «Úzdik maqala», «Úzdik televızııalyq baǵdarlama», «Úzdik radıohabar» jáne «Saıttaǵy úzdik maqala» atty nomınatsııalar boıynsha marapattaldy.

Uıymdastyrýshylardyń aıtýynsha, jeńimpazdardyń kóbi - aımaq tilshileri.