Mádenıet jáne sport mınıstri Qanat Islamdy jeńisimen quttyqtady

NUR-SULTAN. QazAqparat - QR Mádenıet jáne sport mınıstri Aqtoty Raıymqulova kásipqoı boksshy Qanat Islamdy jeńisimen quttyqtady, dep habarlaıdy QazAqparat.

«Qurmetti Qanat! Sizdi barsha jankúıerlerdiń jáne jeke óz atymnan Ýolter Kaýtondokvamen ótkizgen tartysty jekpe-jekte jeńiske jetýińizben quttyqtaımyn! Búgingi kezdesýde Siz ózińizge tıesili birinshi orta salmaqtaǵy WBO International chempıony ataǵyn aıqyn basymdyqpen qorǵap qaldyńyz. Denińizge saýlyq, aldaǵy jekpe jekterińizge jarqyn jeńister tileımin!» delingen habarlamada.

Aıta keteıik, buǵan deıin Qanat Islamnyń namıbııalyq Ýolter Kaýtondokvadan tóreshiler sheshimi boıynsha basym túskenin habarlaǵan bolatynbyz.