Mádenıet jáne sport qaıratkerlerine memlekettik nagradalar tabystaldy
ASTANA. QazAqparat - Elordadaǵy «Qazaqstan» kontsert zalynda Mádenıet jáne sport mınıstri Arystanbek Muhamedıuly mádenıet, óner jáne sport qaıratkerlerin marapattady, dep habarlaıdy QazAqparat tilshisi.
Arystanbek Muhamedıuly quttyqtaý sózinde Qazaqstan Táýelsizdigi kúni eldiń árbir azamatynyń ómirinde mańyzdy mereke ekendigin aıtyp ótti.
«Búgin barlyǵymyz elimizdiń Táýelsizdik merekesi qarsańynda jınalyp otyrmyz. Búgin ǵana túste Aqordada ózimizdiń áriptesterimiz, elimizge eńbek sińirgen kóptegen azamat marapattalǵan bolatyn. Árıne, árkimniń eńbeginiń janyp-jatqany otbasynyń nemese áýlettiń ǵana emes, búkil eldiń qýanyshy. Búgingi merekelerińizben quttyqtaı otyryp, aldaǵy ýaqytta úlken jetistikterge jete berýlerińizge tilektespin», - dedi jıynda sóz sóılegen mınıstr.
Memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin Qazaqstan Respýblıkasynyń Prezıdenti Nursultan Nazarbaevtyń atynan kelesi azamattar marapattaldy:
«Parasat» ordenimen:
M. Áýezov atyndaǵy Qazaq memlekettik akademııalyq drama teatry» RMQK joǵary dárejeli ártisi Ǵazıza Ábdinábıeva;
Kınoakter Ysmaǵulov Asylbolat Kákenuly;
A. Seleznev atyndaǵy Almaty horeografııalyq ýchılışesi» RMQK kórkemdik jetekshisi Lı Lıýdmıla Mýnsekovna.
ІІ dárejeli «Dostyq» ordenimen:
«Astana Opera» Memlekettik opera jáne balet teatry KEAQ balet pedagogy Zaklınskıı Konstantın Evgenevıch.
«Qurmet» ordenimen:
«Astana Opera» Memlekettik opera jáne balet teatry KEAQ jetekshi balet solısi Madına Basbaeva;
Q. Qýanyshbaev atyndaǵy memlekettik qazaq drama teatry MKQK ártisi Táshimova Nurzada Tursynbekqyzy;
«Qazaqkontsert» memlekettik kontserttik uıymy RMQK estrada tobynyń jetekshisi Áýelbekova Móldir Esirkepqyzy;
«Astana balet» JShS balet solısi Ahmedıarov Qazbek Ǵazızuly
Sýretshi keskindemeshi BAıbosyn Muhtar Qaıratuly;
Aıtys aqyny Ásııa Berkenova.
ІІІ dárejeli «Eńbek dańqy» ordenimen:
Dombyra sheberi Musaev Sultan Jaqsylyquly.
«Eren eńbegi úshin» medalimen:
«Astana Opera» memlekettik opera jáne balet teatry» KEAQ dırektorynyń orynbasary Savostıanov Aleksandr Aleksandrovıch.
Sonymen qatar mádenıet, sport jáne tilder damýy úshin úles qosqan azamattarǵa «Eren eńbegi úshin» medalimen, Qazaqstan Respýblıkasynyń qurmet gramotalary jáne «Qazaqstannyń eńbek sińirgen qaıratkeri» qurmetti ataǵymen marapattaldy.
Medalmen marapattalǵandardyń arasynda elimizde jáne halyqaralyq deńgeıde tanymal ǵalymdar, ártister jáne sportshylarmen qatar kúndelikti eńbegi eleýsiz, biraq qoǵam ómiri úshin mańyzdy qyzmetkerler de bar.
