Mádenıet jáne aqparat vıtse-mınıstrleri taǵaıyndaldy
Úkimet qaýlysymen Danııar Ramazanuly Qadyrov, Qanat Jumabaıuly Ysqaqov, Evgenıı Dmıtrıevıch Kochetov jáne Arman Ádilhanuly Júdebaev mádenıet jáne aqparat vıtse-mınıstrleri bolyp taǵaıyndaldy, dep habarlaıdy Kazinform Úkimettiń baspasóz qyzmetine silteme jasap.
Sársen Abaıuly Quranbek basqa jumysqa aýysýyna baılanysty Mádenıet jáne sport vıtse-mınıstri qyzmetinen bosatyldy.
Danııar Qadyrov Mádenıet jáne aqparat vıtse-mınıstri bolyp taǵaıyndaldy.
1975 jyly Almaty qalasynda dúnıege kelgen.
Ál-Farabı atyndaǵy Qazaq memlekettik ulttyq ýnıversıtetin bitirgen.
Eńbek jolyn 1999 jyly QR Mádenıet, aqparat jáne qoǵamdyq kelisim mınıstrligi Buqaralyq aqparat quraldary departamentiniń jetekshi mamany bolyp bastaǵan.
2000-2004 jyldary QR Mádenıet mınıstrliginiń qurylymynda túrli qyzmetterde jumys istegen.
2004-2005 jyldary – QR BǴM Jastar saıasaty departamenti dırektorynyń orynbasary; Jastar jáne áleýmettik baǵdarlamalar basqarmasynyń basshysy.
2005-2007 jyldary – Stepnogorsk qalasy ákiminiń orynbasary.
2007 jyly QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń sektor meńgerýshisi boldy.
2007-2013 jyldary – QR Mońǵolııadaǵy elshiliginiń keńesshi-ýákili.
2013-2015 jyldary – QR Túrikmenstandaǵy elshiliginiń keńesshi-ýákili.
2015-2019 jyldary – «QR teleradıo habarlaryn taratý operatorlarynyń qaýymdastyǵy» ZTB atqarýshy dırektory.
2019-2022 jyldary QR Prezıdenti Ákimshiliginiń Ótinishterdi qaraýdy baqylaý bólimi meńgerýshisiniń orynbasary boldy.
2022 jyldan bastap qazirge deıin QR Aqparat jáne qoǵamdyq damý vıtse-mınıstri qyzmetin atqardy.
Qanat Ysqaqov Mádenıet jáne aqparat vıtse-mınıstri bolyp taǵaıyndaldy.
1982 jyly Shymkent qalasynda týǵan.
Ál-Farabı atyndaǵy Qazaq ulttyq ýnıversıtetin, M.V. Lomonosov atyndaǵy Máskeý memlekettik ýnıversıtetin bitirgen.
Eńbek jolyn 2005 jyly Almaty q. Memlekettik jastar saıasatyn damytý qorynyń jetekshi mamany retinde bastaǵan.
Ár jyldary ártúrli memlekettik qurylymdarda, sonyń ishinde QR Parlamenti Májilisinde, QR Prezıdenti Ákimshiligi Memlekettik hatshysynyń hatshylyǵynda, QR Prezıdenti Ákimshiligi Strategııalyq ázirlemeler jáne taldaý ortalyǵynda jumys istegen.
2012-2021 jyldary QR Prezıdenti Ákimshiligi Baspasóz qyzmetiniń sektor meńgerýshisi qyzmetin atqarǵan.
2021-2023 jyldary QR Aqparat jáne qoǵamdyq damý mınıstrligi Aqparat komıtetiniń tóraǵasy.
2023 jyldyń qańtarynan bastap osy ýaqytqa deıin QR aqparat jáne qoǵamdyq damý vıtse-mınıstri boldy.
Evgenıı Kochetov Mádenıet jáne aqparat vıtse-mınıstri bolyp taǵaıyndaldy.
1988 jyly Astana qalasynda dúnıege kelgen.
Qazaq gýmanıtarlyq zań ýnıversıtetin, M.V. Lomonosov atyndaǵy Máskeý memlekettik ýnıversıtetin bitirgen.
2009-2013 jyldar aralyǵynda «Jas Otan» JQ jáne «Nur Otan» HDP ortalyq apparatynyń túrli qurylymdyq bólimshelerinde keńesshi, sarapshy, konsýltant bolyp jumys istedi.
Ár jyldary jeke menshik kommertsııalyq qurylymdarda jumys istedi.
2016 jyly «Qazkontent» AQ Kaztube.kz vıdeoportalynyń jetekshisi bolyp taǵaıyndaldy.
2016-2017 jyldary — Qazaqstan Respýblıkasy Aqparat jáne kommýnıkatsııalar mınıstrligi Ortalyq kommýnıkatsııalar qyzmetiniń dırektory.
2017-2018 jyldary — «Qazkontent» AQ basqarma tóraǵasy.
2018-2019 jyldary «Nur Otan» partııasynyń Strategııalyq bastamalar ınstıtýty dırektorynyń orynbasary qyzmetin atqardy.
2019-2020 jyldary — «Rýhanı Jańǵyrý» KEAQ qazaqstandyq qoǵamdyq damý ınstıtýty basqarma tóraǵasynyń keńesshisi.
2020-2023 jyldary — «Medıa damytý qory» korporatıvtik qorynyń bas dırektory.
2023 jyldan bastap osy ýaqytqa deıin QR aqparat jáne qoǵamdyq damý vıtse-mınıstri boldy.
Arman Júdebaev Mádenıet jáne aqparat vıtse-mınıstri bolyp taǵaıyndaldy.
1986 jyly Almaty oblysynda dúnıege kelgen.
Qurmanǵazy atyndaǵy Qazaq ulttyq konservatorııasyn támamdaǵan.
Eńbek jolyn 2006 jyly «Almaty áýenderi» MKQK-da ártis-aspapshy qyzmetinen bastaǵan.
2007-2009 jyldary — «Qurmanǵazy atyndaǵy Qazaq memlekettik akademııalyq halyq aspaptary orkestri» RMQK dombyra tobynyń ártisi.
2009-2013 jyldary — «Qurmanǵazy atyndaǵy Qazaq ulttyq konservatorııasy» RMM-de oqytýshy, aǵa oqytýshy.
2013-2018 jyldary — «Qurmanǵazy atyndaǵy Qazaq memlekettik akademııalyq halyq aspaptary orkestri» RMQK bas dırıjeri.
2018-2023 jyldary — «Qurmanǵazy atyndaǵy Qazaq ulttyq konservatorııasy» RMM rektory.
2023 jylǵy mamyr-shilde aralyǵy QR Mádenıet jáne sport mınıstrligi Mádenıet komıtetiniń tóraǵasy qyzmetin atqardy.
2023 jyldyń shilde aıynan bastap qazirgi ýaqytqa deıin QR mádenıet jáne sport vıtse-mınıstri boldy.
Sársen Quranbek Mádenıet jáne sport vıtse-mınıstri qyzmetinen bosatyldy.
1976 jyly Jetisý oblysynda týǵan.
Ál-Farabı atyndaǵy Qazaq memlekettik ulttyq ýnıversıtetin, Qazaq sport jáne týrızm akademııasyn, Qaztutynýodaǵy Qaraǵandy ekonomıkalyq ýnıversıtetin bitirgen.
Eńbek jolyn 1995 jyly «№ 4 olımpıadalyq rezervtegi mamandandyrylǵan balalar-jasóspirimder mektebi» MKQK jattyqtyrýshy-oqytýshysy bolyp bastady.
Uzaq jyldar boıy sport salasynda qyzmet etken. «Qysqy Azııa oıyndary men Olımpıada alaýynyń estafetasy jónindegi qalalyq dırektsııa» MKQK dırektorynyń orynbasary, «Qazaqstan Barysy» qazaq kúresin damytý qory» qoǵamdyq qorynyń atqarýshy dırektory, «QR Sport jáne dene shynyqtyrý isteri agenttigi» MM tóraǵasynyń orynbasary qyzmetterin atqarǵan. Sondaı-aq «QR Qazaq kuresi federatsııasy» qaýymdastyq nysanyndaǵy ZTB bas hatshysy, «Qazaqstan shógen federatsııasy» qaýymdastyq nysanyndaǵy ZTB bas hatshysy, «Qazaqstannyń jaýyngerlik óner qaýymdastyǵy» qaýymdastyq nysanynda ZTB bas dırektory boldy.
2023 jyldyń aqpan aıynan bastap qazirgi ýaqytqa deıin QR Mádenıet jáne sport vıtse-mınıstri qyzmetin atqardy.
