Mádenıet jáne aqparat mınıstrliginiń alqa májilisinde aqparattyq, mádenı, til salalaryndaǵy jumystardyń basymdyqty baǵyttary qaraldy
ASTANA. Naýryzdyń 3-i. QazAqparat - Búgin elordada respýblıkalyq mádenı mekemelerdiń, qoǵamdyq birlestikter men buqaralyq aqparat quraldary basshylarynyń qatysýymen Mádenıet jáne aqparat mınıstrliginiń alqa májilisi ótti.
Otyrys mádenı-aqparattyq salanyń Elbasynyń «Jańa onjyldyq - jańa ekonomıkalyq órkendeý - Qazaqstannyń jańa múmkindikteri» atty Qazaqstan halqyna Joldaýymen júktelgen mindetterdi júzege asyrý máselelerine arnaldy.
Májiliste sóz sóılegen Mádenıet jáne aqparat mınıstri Muhtar Qul-Muhammed jınalǵan qaýymnyń nazaryn aqparattyq, mádenı jáne til salalaryndaǵy atqarylatyn jumystardyń basymdyq baǵyttaryna aýdardy.
Alqaly otyrys sonymen birge aqparattyq-túsindirý jumystary jáne úkimettik emes uıymdarmen ózara is-qımyldardyń belsendiligin arttyrý, «Mádenı mura» baǵdarlamasyn júzege asyrý, tilderdi damytýdyń 2020 jylǵa deıingi baǵdarlamasyn ázirleý, t.b. máselelerdi talqylady.
