Mádenıet jáne aqparat mınıstrliginde «Mádenıet salasynyń úzdigi» atty jańa tósbelgiler tabystaldy
ASTANA. 7 jeltoqsan. QazAqparat - Búgin QR Mádenıet jáne aqparat mınıstrliginiń keńeıtilgen alqa májilisinde «Mádenıet salasynyń úzdigi» tósbelgileri tabystaldy.
QR Mádenıet jáne aqparat mınıstri Darhan Myńbaı Qazaqstan Respýblıkasy Úkimetiniń qaýlysymen Mádenıet jáne aqparat mınıstrliginiń «Mádenıet salasynyń úzdigi» atty jańa tósbelginiń bekitilgenin habardar etti.
Osy oraıda «Mádenıet salasynyń úzdigi» tósbelgisimen alǵashqylar bolyp KSRO halyq ártisi Erkeǵalı Rahmadıev, Parlament depýtaty Murat Ahmadıev, M.Lermontov atyndaǵy memlekettik orys drama teatrynyń dırektory ıÝrıı ıAkýshev, Shyǵys Qazaqstan oblysy mádenıet basqarmasynyń bastyǵy Jaqsylyq Omarov, Kókshetaý qalasy mádenıet jáne tilderdi damytý bóliminiń bastyǵy Aıgúl Sábıtova, Astana qalasy mádenıet basqarmasy bastyǵynyń orynbasary Qanat Tókesbaı marapattaldy.
Alqa májilisin qoryta kele, Mádenıet jáne aqparat mınıstri D.Myńbaı salaǵa qatysty birqatar mindetter qoıyp, is júzine asyrylyp jatqan birneshe iri jobalardyń ýaqytyly ári sapaly oryndalýyn qamtamasyz etýdi tapsyrdy.
