Mádenıet jáne aqparat mınıstrligi otandyq áleýmettik-mádenı ónimderdi jańǵyrtý josparyn ázirleýde
ASTANA. 13 shilde. QazAqparat - Aǵymdaǵy jyldyń 1 qyrkúıegine deıin otandyq áleýmettik-mádenı ónimderdi jańǵyrtý jónindegi salalyq jospar ázirlenip, qabyldanady.
Bul týraly búgin Úkimet otyrysynda Mádenıet jáne aqparat mınıstri Darhan Myńbaı málim etti.
«Memleket basshysynyń tapsyrmasyna sáıkes aǵymdaǵy jyldyń 1 qyrkúıegine deıin mınıstrlik eńbekke, adal kásibı tabysqa, Otanǵa qyzmet etýge, joǵary patrıottyq sezimderge oń kózqaras qalyptastyratyn otandyq áleýmettik-mádenı ónimderdi jańǵyrtýdyń salalyq besjyldyq josparyn ázirlep, qabyldaıdy», - dedi ol.
Onyń atap ótýinshe, Qazaq ulttyq elektrondy kitaphana qoryn keńeıtý jumystary júrgizilip, mamandandyrylǵan sporttyq telearna qurý týraly usynys engiziletindigin basa aıtty.
Sonymen birge D.Myńbaıdyń aıtýynsha, bıylǵy jyldyń qarashasyna deıin Mádenıet jáne aqparat mınıstrligi jýrnalısterdiń qoǵamdyq birlestiktermen birlesip, jýrnalıstik ádep kodeksin ázirlep, qabyldaıdy.
