Mádenıet jáne aqparat mınıstrligi men Astana, Almaty qalalarynyń, oblystardyń ákimdikteri tarıhı eskertkishterdi qorǵaýda júıeli sharalar qabyldaýy qajet - M.Tájın

ASTANA. 25 qyrkúıek. QazAqparat - QR Mádenıet jáne aqparat mınıstrligi jáne Astana, Almaty qalalarynyń, oblystardyń ákimdikteri tarıhı eskertkishterdi qorǵaýda júıeli sharalar qabyldaýy qajet. Búgin Aqordada ótken ulttyq tarıhty zerdeleý jónindegi vedomstvoaralyq jumys tobynyń úshinshi otyrysynda QR Memlekettik hatshysy Marat Tájın osylaı dedi.

«QR Mádenıet jáne aqparat mınıstrligi, Astana men Almaty qalalarynyń jáne oblystardyń ákimdikteri tarıhı eskertkishterdi ári ǵalymdardyń arheologııalyq qazba jumystaryn júrgizetin oryndaryn qorǵaý jáne jańa materıaldardy murajaılandyrý boıynsha júıeli sharalardy qabylaýy qajet», - dedi ol. Sonymen qatar M.Tájın ulttyq tarıhty zerdeleý jónindegi vedomstvoaralyq jumys tobynyń tórtinshi otyrysynda bul jumystardyń óńirlerdegi atqarylý máselelerin qaraý qajettigin basa aıtty.