Mádenıet jáne aqparat mınıstrligi memlekettik organdardyń baspasóz qyzmetkerlerine tvıtterge kóshýdi usyndy

ASTANA. 23 qarasha. QazAqparat - Búgin Astanadaǵy «BAQ, memlekettik organdar men úkimettik emes uıymdardyń ózara qyzmet etýiniń negizgi basymdyqtary atty dóńgelek ústelde  QR Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Qalıanbekov memlekettik organdardyń baspasóz qyzmetteri tvıtter akkaýntyn qosýy kerektigin aıtty.

Onyń sózine qaraǵanda, mınıstrlikterdiń veb-saıttary búginde buqaralyq aqparat quraldary qajet etetin jedeldikke saı kelmeıdi.  ıAǵnı, vedomstvolardyń ómiri men is-qımylyna olardyń veb-resýrstary sáıkes qadamdar jasamaı, qalys qalýda.

 B. Qalıanbekovtyń paıymdaýynsha, búginde áleýmettik jeliler adamdardyń ómirine qatty enip bara jatyr. «Bul jelilerde aqparatty belsendi almasý úrdisi júrýde. ıAǵnı, bul tuǵyrda tıisti deńgeıde kórsetilmeı otyrmyz . Atap aıtqanda, ár baspasóz hatshysynda, baspasóz qyzmetiniń ár qyzmetkerinde óz tvıtteri bolǵany jón bolar edi.  Olar udaıy pikir almasýlardy baıqap, olarǵa qatysýy tıis, sondaı-aq týyndaǵan saýaldarǵa jaýap berýi qajet»,-dedi komıtet tóraǵasy.