Mádenıet jáne aqparat mınıstrligi qazaq tiliniń on-laın mektebin qurýdy júzege asyrmaq
ASTANA. 16 qazan. QazAqparat - Mádenıet jáne aqparat mınıstrligi qazaq tiliniń on-laın mektebin qurýǵa bastama jasap, ol jumystardy júrgizýdi qolǵa aldy.
Bul týraly búgin Májilistiń Áleýmettik-mádenı damý komıtetiniń keńeıtilgen otyrysynda «Memlekettik tildi damytýdaǵy problemalar týraly» máseleni talqylaý barysynda Mádenıet jáne aqparat vıtse-mınıstri Arman Qyryqbaev aıtty.
Vıtse-mınıstrdiń aıtýynsha, on-laın mektepti qurý máselesi óz sheshimin tapsa, memlekettik tildi oqytý isine serpin bereri sózsiz.
«Qazirgi tańda álemdi is júzinde ınternet múmkindigi arqyly oqytýdy usynatyn uqsas jobalar barshylyq. Biz óz jobamyzǵa úlgi retinde dúnıe júzi boıynsha 400-den astam mektebi men 5 mln.-nan astam tyńdaýshysy bar álemdegi eń iri jeke bilim berý kompanııasy sanalatyn «Edıkeıshn Festtiń» on-laın mektebin alyp otyrmyz», - deıdi Arman Qyryqbaev.
Onyń sózine qaraǵanda, qazirgi tańda jobanyń tehnıkalyq ekonomıkalyq negizdemesi ázirlený ústinde. «Joba qoldaý tapqan jaǵdaıda ony is júzine asyrý kelesi jyldan bastalmaq», - deıdi vıtse-mınıstr.
