Mádenıet jáne aqparat mınıstrligi apparatynyń basshysy taǵaıyndaldy
ASTANA. KAZINFORM — Baýyrjan Moldaǵalıev QR Mádenıet jáne aqparat mınıstrligi apparatynyń basshysy boldy. Bul týraly QR Úkimetiniń Baspasóz qyzmeti habarlaıdy.
— Qazaqstan Respýblıkasy mádenıet jáne aqparat mınıstriniń buıryǵymen Baýyrjan Esqalıuly Moldaǵalıev vedomstvo apparatynyń basshysy bolyp taǵaıyndaldy, — delingen habarlamada.
1989 jyly Jetisý oblysynda dúnıege kelgen. Ál-Farabı atyndaǵy Qazaq ulttyq ýnıversıtetin (bakalavrıat, magıstratýra, doktorantýra) bitirgen, fılosofııa doktory (PhD).
Eńbek jolyn 2010 jyly Almaty qalasy dene shynyqtyrý jáne sport basqarmasynyń «№1 Olımpıadalyq rezervtegi mamandandyrylǵan balalar-jasóspirimder mektebi» MKQK memlekettik til aýdarmashysy bolyp bastaǵan.
2012–2013 jyldary — QR Bilim jáne ǵylym mınıstrligi «Fılosofııa jáne saıasattaný ınstıtýty» RMQK Farabıtaný jáne salystyrmaly zertteýler ortalyǵynyń ǵylymı qyzmetkeri.
2013–2016 jyldary — QR Bilim jáne ǵylym mınıstrligi «Fılosofııa, saıasattaný jáne dintaný ınstıtýty» RMQK fılosofııa bóliminiń ǵylymı qyzmetkeri.
2016–2017 jyldary — QR Investıtsııalar jáne damý mınıstrligi «Taldaý jáne aqparat ortalyǵy» RMK Medıa-taldaý jáne quqyqtyq baǵalaý basqarmasynda qoldanbaly áleýmettik tehnologııalar bóliminiń jetekshi sarapshysy.
2017–2018 jyldary — QR Din isteri jáne azamattyq qoǵam mınıstrligi Taldaý jáne strategııalyq josparlaý departamenti Aqparattyq jumysty úılestirý basqarmasynyń bas sarapshysy.
2018–2019 jyldary — Prezıdent Ákimshiligi Basshysynyń hatshylyǵynda sarapshy.
2019–2022 jyldary — Prezıdent Ákimshiligi Basshysynyń hatshylyǵynda konsýltant.
2022–2023 jyldary — Prezıdent Ákimshiligi Іshki saıasat bólimi meńgerýshisiniń orynbasary.
2023–2026 jyldary — Prezıdent Ákimshiligi Qazaqstan halqy Assambleıasy hatshylyǵy meńgerýshisiniń orynbasary.
2026 jyldyń shildesinen bastap qazirgi ýaqytqa deıin QR Prezıdenti Ákimshiliginiń Іshki saıasat bólimi meńgerýshisiniń orynbasary bolyp qyzmet atqardy.
Osyǵan deıin Erjan Ertaev energetıka vıtse-mınıstri bolyp taǵaıyndalǵanyn jazǵanbyz.
