Mádenıet jáne aqparat mınıstri aımaqtardaǵy úkimettik emes uıymdardy damytý úshin arnaıy qarjy qarastyrýdy usyndy

sp;ASTANA. Qarashanyń 24-i. QazAqparat /Aıdar Ospanalıev/ - Búgin IV Azamattyq forýmnyń jumysy  barysynda Mádenıet jáne aqparat mınıstri Muhtar Qul-Muhamed elimizdiń aımaqtaryndaǵy basshylarǵa óz óńirlerindegi úkimettik emes uıymdardy damytý úshin aldaǵy úsh jylǵa arnalǵan qarjy kózderin qarastyrýdy usyndy,

dep habarlaıdy QazAqparat.

Osy oraıda, aımaqtarda memlekettik tapsyrysty júzege asyratyn úkimettik emes uıymdardyń barlyǵy kópshilikke tanys bolýy qajettigin aıtqan mınıstr,  «úkimettik emes uıymdardyń atqaryp otyrǵan isteri ashyq, jarııaly bolýy tıis. Sondaı-aq qazir kópshilik arasynda úkimettik emes uıymdardyń jumysymen tek Mádenıet jáne aqparat mınıstrligi aınalysady degen jańsaq pikir qalyptasyp otyr. Al túptep kelgende, bul ispen óz salasy boıynsha árbir mınıstrlik aınalysýy tıis», dep atap kórsetti.