Mádenıet vıtse-mınıstri QazUÝ-da bolashaq mádenıettanýshylarǵa dáris oqydy
MATY. 12 qyrkúıek. QazAqparat /Ádilet Musahaev/ - Ál-Farabı atyndaǵy Qazaq ulttyq ýnıversıtetiniń fılosofııa jáne saıasattaný fakýltetinde dintaný jáne mádenıettaný kafedracy ujymynyń uıymdastyrýymen
Áleýmettik jańǵyrtý konteksindegi Qazaqstan Respýblıkasynyń mádenıettik saıasaty» taqyrybynda Qazaqstan Respýblıkasy Mádenıet vıtse-mınıstri, fılosofııa ǵylymdarynyń doktory, Ǵazız Telebaevtyń dárisi ótti.
Ol Mádenıet mınıstrligi qyzmetiniń 3 baǵytynyń biri - mádenı saıasat máselesine toqtalyp, aýdıtorııa tyńdaýshylaryn elimizdiń mádenı jaǵdaıymen tanystyryp ótti. Sondaı-aq atalmysh vedomostvo qyzmetiniń kóptegen jetistikteri, mádenıet salasyndaǵy kóptegen sony jańalyqtar týraly habardar etti.
Mınıstrlik qyzmetiniń basty jumystarynyń biri - 41 respýblıkalyq jáne 8000 oblystyq-mádenı uıym qyzmetterin úılestirý, damytý bolyp tabylady. Búginde ózekti máselelerdiń biri bolyp otyrǵan batys kıno týyndylarynyń el urpaǵyna tıgizetin áserine baılanysty «Mádenıet týraly» Zańǵa ózgerister engizilgendigin atady. Ol Qazaqstannyń kıno, teatr ındýstrııasyndaǵy kóptegen jetistikterge baılanysty sandyq kórsetkishterd de aıta ketti: 2010 jyly 78 fılm jobasy bastalsa (bul kórsetkish 2009 jylmen salystyrǵanda 70 %-ǵa artyq), teatr salasynda 2010 jylda 39 ártúrli deńgeıdegi 39 jańa qoıylym júzege asqan. Onyń eń irisi ataqty rejısser Borıs Eıfmannyń «Qyzyl Jızel» atty baletiniń qoıylýy bolyp tabylady, bul elimizdiń mádenıet jáne óner tarıhyndaǵy úlken shyń boldy.
Mádenı mura memlekettik baǵdarlama aıasynda qazaq eliniń mádenı murasyn jınaqtaý maqsatynda shet memleketterge Reseı, Qytaı, Iran jáne t.b. elderge ǵylymı ekspedıtsııalar jiberilgen. Sonymen qatar, «Qazaqtyń 1000 áni», «Qazaqtyń 1000 kúıi» atty ulttyq jobalar bastalǵan. Osy oraıda lektor: «Mádenıet salasynyń tetigi - óz eliniń mádenı murasyn tanyp bilý»,- dep atap ótti.
Stýdentter Ǵ. Telebaevtyń dárisine tereń kóńil bólip, usynystary men saýaldaryn ortaǵa saldy. Olardyń bastysy, til saıasaty, termınologııa máseleleri, ulttyq tildegi arnalar boldy. Lektor saýaldarǵa jaýap berý barysynda jýyq arada ulttyq tilde qyzmet etetin «Mádenıet» atty arnanyń jaryq kóretindigi týraly qýanyshty habarmen bólisti. Sonymen birge áleýmettik jańǵyrtý - mádenıetti damytyp, adam áleýetin kóterý, ıaǵnı bilimdi bolý kerek ekendigine toqtala kele, qoǵamdyq pikir qalyptastyrýǵa shaqyrdy. Mádenıet vıtse-mınıstri dárisiniń sońynda jastardy áleýmettik-ǵylymı, gýmanıtarlyq ǵylymdar ókilderi sekildi QR Mádenıettanýshylar odaǵyn nemese uıymyn qurý jaıly usynysyn jarııalady.
