Mádenıet salasynyń ókilderi bizdiń memlekettik tilimiz ben ulttyq mádenıetimizdiń dárejesin kóterip júrýi tıis - Bıbigúl Tólegenova
MATY. 15 qyrkúıek. QazAqparat /Názıra Eleýhan/ - Men 60 jyldan beri óner salasynda óz shyǵarmashylyǵymmen ana tilim - qazaq tilin madaqtap, jyrlap kelemin jáne sahnaǵa shyqqan barlyq elde Otanymnyń dárejesin kóterýdemin. Mádenıet salasynyń ókilderi bizdiń memlekettik tilimiz ben ulttyq mádenıetimizdiń dárejesin kóterip júrýi tıis. Bul týraly búgin Almatyda ótken arnaıy baspasóz máslıhatynda Sotsıalıstik Eńbek Eri, Keńes Odaǵynyń halyq ártisi Bıbigúl Tólegenova málimdedi.
Halyq ártisi saıasattan alys ekendigin atap ótip: "Meniń kásibı kredom - men qyzmet etetin joǵary ónerim. Men óz ana tilimdi jáne Otanymdy barlyq jerde jyrlap kelemin. Men búkil álemdi sharlap qaıttym. Kontsert bergen ár elde, óz ana tilim- qazaq tilindegi ánderdi oryndaımyn. Ol birinshiden elime degen, osy eldiń halqyna degen qurmetim",-dedi ol.
Sonymen qatar B. Tólegenova: "Qazaqstandyqtar kóp ultty memlekette, ultyna qaramastan barlyq azamattardyń quqyǵy qurmetteletin memlekette turady",-dep atap ótti. "Men burynǵy Keńes Odaǵynyń barlyq elderinde boldym. Sol sebepti, senimmen, biz Elbasynyń saraly saıasatynyń arqasynda bereke-birlik pen kelisimde ómir súrip jatyrmyz dep aıta alamyn. Beıbit ómir - bizdiń baqytymyz ben baılyǵymyz. Máselen, meniń otbasym -kópultty. Óz aramyzda orys tilinde sóılesemiz. Óıtkeni, biri tatar, biri orys, biri uıǵyr, vengr, polıak, evreı. Meniń ákem qazaq bolsa, anam- tatar. Sondyqtan qazaq, tatar, orys tili - meniń ana tilderim",-dedi ol.
