«Mádenıet salasyndaǵy memlekettik stıpendııalardy berý erejesin bekitý týraly» QR Úkimetiniń qaýlysyna ózgeris engizildi
***
Qazaqstan Respýblıkasy Úkimetiniń qaýlysy
Qazaqstan Respýblıkasynyń Úkimeti qaýly etedi:
1. «Mádenıet salasyndaǵy memlekettik stıpendııalardy berý erejesin bekitý týraly» Qazaqstan Respýblıkasy Úkimetiniń 2007 jylǵy 4 sáýirdegi № 266 qaýlysyna (Qazaqstan Respýblıkasynyń PÚAJ-y, 2007 j., №11, 122-qújat) mynadaı ózgeris engizilsin:
kórsetilgen qaýlymen bekitilgen Mádenıet salasyndaǵy memlekettik stıpendııalardy berý erejesi osy qaýlyǵa qosymshaǵa sáıkes jańa redaktsııada jazylsyn.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń 2013 jylǵy 5 naýryzdaǵy № 212 qaýlysyna qosymsha
Qazaqstan Respýblıkasy Úkimetiniń 2007 jylǵy 4 sáýirdegi №266 qaýlysymen bekitilgen
Mádenıet salasyndaǵy memlekettik stıpendııalardy berý erejesi
1. Osy Mádenıet salasyndaǵy memlekettik stıpendııalardy berý erejesi «Mádenıet týraly» 2006 jylǵy 15 jeltoqsandaǵy Qazaqstan Respýblıkasynyń Zańyna, «Mádenıet salasynda memlekettik stıpendııalar taǵaıyndaý týraly» Qazaqstan Respýblıkasy Prezıdentiniń 2000 jylǵy 3 sáýirdegi № 369 Jarlyǵyna sáıkes ázirlendi jáne mádenıet salasyndaǵy memlekettik stıpendııalardy berý tártibin aıqyndaıdy.
2. Mádenıet salasyndaǵy memlekettik stıpendııalar (budan ári - memlekettik stıpendııalar) Qazaqstan Respýblıkasynyń qurmetti ataqtary men memlekettik nagradalaryna ıe bolǵan shyǵarmashyl qyzmetkerlerdi jáne mádenıet qyzmetkerlerin, sondaı-aq asa daryndy jas shyǵarmashyl qyzmetkerlerdi memlekettik qoldaý maqsatynda jyl saıyn beriledi.
3. Memlekettik stıpendııalar alýǵa mynalar:
1) Qazaqstan Respýblıkasynyń memlekettik nagradalary, halyq jazýshysy, halyq ártisi, halyq sýretshisi, Qazaqstannyń eńbek sińirgen qaıratkeri qurmetti ataqtary bar nemese ádebıet jáne óner salasyndaǵy memlekettik syılyqtyń, halyqaralyq jáne respýblıkalyq konkýrstardyń, festıvalder men kórmelerdiń laýreattary bolyp tabylatyn;
2) qazaqstandyq mádenıettiń damýy úshin shyǵarmashylyq áleýeti bar Qazaqstan Respýblıkasynyń azamattary úmitker bolady.
4. Memlekettik stıpendııany mádenıet salasyndaǵy ýákiletti organ (budan ári - ýákiletti organ) janynan arnaıy qurylǵan Memlekettik stıpendııalardy berý jónindegi komıssııa (budan ári - Komıssııa) sheshiminiń negizinde Qazaqstan Respýblıkasy Úkimetiniń usynýy boıynsha Qazaqstan Respýblıkasynyń Prezıdenti beredi.
Komıssııa óz mindetterin qoǵamdyq bastama negizinde oryndaıtyn ýákiletti organ men shyǵarmashylyq odaqtardyń ókilderi qatarynan qalyptastyrylady.
Komıssııanyń quramy ýákiletti organnyń buıryǵymen bekitiledi.
Komıssııa músheleriniń jalpy sany taq sandy quraýǵa jáne jeti adamnan kem bolmaýǵa tıis.
Komıssııany tóraǵa, al ol bolmaǵan jaǵdaıda tóraǵanyń orynbasary basqarady.
5. Mádenıet salasyndaǵy memlekettik stıpendııalardy alýǵa usynylatyn qujattardy qabyldaý týraly habarlandyrý qujattardy qabyldaý merzimi bastalǵanǵa deıin eki aıdan keshiktirmeı ýákiletti organnyń ınternet-resýrsynda ornalastyrylady.
6. Qyzmeti Qazaqstan Respýblıkasynyń zańnamasyna qaıshy kelmeıtin shyǵarmashylyq odaqtar men mádenıet uıymdary ýákiletti organǵa aǵymdaǵy jylǵy birinshi tamyzǵa deıin mynadaı qujattardy: memlekettik stıpendııa alýshyǵa berilgen qoldaýhat pen shyǵarmashylyq minezdemeni qaǵaz nemese elektrondy túrde jiberedi.
Memlekettik stıpendııa alýshyǵa kelip túsken qujattardy ýákiletti organ qabyldaıdy jáne bir kún merzimde tirkep, Komıssııanyń qaraýyna usynady. Komıssııa otyrysy aǵymdaǵy jylǵy besinshi qyrkúıekten keshiktirilmeı ótkiziledi.
7. Komıssııanyń memlekettik stıpendııalar berýge kandıdatýralardy bekitý týraly sheshimi Komıssııa otyrysynda qarapaıym kópshilik daýyspen ashyq daýys berýmen qabyldanady. Daýystar teń bolǵan jaǵdaıda tóraǵa daýys bergen sheshim qabyldandy dep esepteledi. Eger Komıssııa músheleriniń úshten ekisinen astamy qatyssa, otyrys zańdy dep esepteledi.
Komıssııa sheshimi hattamamen (budan ári - hattama) resimdeledi jáne oǵan qatysyp otyrǵan Komıssııa músheleri qol qoıady.
Ýákiletti organ tıisti jylǵa mádenıet salasyndaǵy memlekettik stıpendııalar berý týraly Qazaqstan Respýblıkasynyń Prezıdenti aktisiniń jobasyn hattama kóshirmesimen qosa, Qazaqstan Respýblıkasynyń Úkimetine aǵymdaǵy jylǵy birinshi qazannan keshiktirmeı engizedi.
Qazaqstan Respýblıkasynyń Úkimeti tıisti jylǵa mádenıet salasyndaǵy memlekettik stıpendııalar berý týraly Qazaqstan Respýblıkasynyń Prezıdenti aktisiniń jobasyn qarap, aǵymdaǵy jylǵy birinshi qarashadan keshiktirmeı Qazaqstan Respýblıkasy Prezıdentiniń Ákimshiligine engizedi.
