Mádenıet salasynda tsıfrlandyrý jumystary qalaı júrip jatyr

NUR-SULTAN. QazAqparat - QR Mádenıet jáne sport mınıstrligi Mádenıet jáne óner isteri departamentiniń dırektory Ábil Jolamanov mádenıet salasyndaǵy tsıfrlandyrý jumystary jóninde baıandady, dep habarlaıdy QazAqparat tilshisi.

«Halyqaralyq standarttar negizinde barlyq mádenı qundylyqtardy tsıfrlyq formatqa aýdarý úshin keńeıtilgen tsıfrlyq ádisteme daıyndaldy. Bul ádisteme tsıfrlyq formatqa aýdarýda qatelerge jol bermeıdi. Ázirge QR Ulttyq mýzeıi bazasynda mýzeı qorynyń memlekettik katalogy boıynsha pılottyq joba jáne «Sakraldy Qazaqstan» boıynsha vırtýaldy týrlar jobasy iske qosyldy. Sonymen birge, ulttyq elektrondy kitaphana men memlekettik elektrondy kitaphana qory jumys isteıdi», - dedi Ábil Jolamanov «Rýhanı qazyna» ІІ respýblıkalyq festıvaliniń ashylý saltanatynda.

Onyń aıtýynsha, sońǵy eki jylda Elektrondy kitaphana qoryndaǵy qujattar kóshirmesi 2,5 esege artqan jáne 2019 jyly 51 myńnan astam elektrondy kóshirme júktelgen.

Aıta keteıik, elordada Mádenıet jáne óner salasy uıymdary men qyzmetkerleriniń II «Rýhanı qazyna» festıvali bastaldy.

Festıval aıasynda plenarlyq otyrys, QR Mádenıet jáne sport mınıstrliginiń janynan qurylǵan jas jazýshylar men aqyndar keńesiniń otyrysy, sheberlik synyptary ótedi jáne suhbat alańy qurylady.