Mádenıet salasyndaǵy memlekettik stıpendııaǵa ótinim qabyldaý bastaldy
ASTANA. KAZINFORM – 2026 jylǵa arnalǵan mádenıet salasyndaǵy memlekettik stıpendııalardy taǵaıyndaý konkýrsyna qujat qabyldaý bastaldy.
Mádenıet jáne aqparat mınıstrliginiń málimetinshe, memlekettik stıpendııalar otandyq mádenıettiń damýyna eleýli úles qosqan mádenıet pen óner qaıratkerlerine beriledi.
– Memlekettik qoldaý óner ıeleriniń kásibı sheberligin arttyrýǵa, mádenıet pen óner salasynyń damýyna serpin berýge, sondaı-aq jańa shyǵarmashylyq ıdeıalar men jobalardy júzege asyrýǵa múmkindik beredi, – delingen habarlamada.
Baıqaýǵa mádenıet jáne óner salasynda eńbek etip júrgen mamandar qatysa alady.
Qujattardy qabyldaý 2026 jylǵy 1 tamyzǵa deıin jalǵasady.
– Memlekettik stıpendııa mádenıet pen óner qaıratkerleriniń shyǵarmashylyq áleýetin qoldaýǵa jáne olardyń kásibı qyzmetin yntalandyrýǵa baǵyttalǵan, – dep atap ótti mınıstrlik.
Konkýrsqa qatysý tártibi, qajetti qujattar tizimi jáne ózge de talaptar týraly tolyq aqparat mınıstrliktiń resmı resýrstarynda jarııalanǵan.
Aıta keteıik, Prezıdent atynan Sársenǵalı Ábdimanapov pen Ermek Jangeldınge memlekettik nagradalar tabystaldy.
